helen85 (helen85) wrote,
helen85
helen85

"Mi petas montri Jes-voĉojn" - Kiel fariĝi politikisto?

Aliaj lingvoj: germana
Deutsche Version dieses Artikel
Radiobeitrag über MUN BW 2006 im SWR


Dum unu semajno pri tutmondaj problemoj diskuti, negoci, baloti. Dum unu semajno, kun junaj homoj el la tuta mondo, "ludi" esti diplomatiisto. Dum unu semajno "estimataj gesinjoroj", rezulocioj kaj ŝanĝ-petoj, negocipaŭzoj, kravatoj, noktaj promenoj en Stuttgart kaj elegantaj, belaspektaj junuloj kaj memkompreneble: militdeklaroj... Jen mi revenis el la diplomacia mondo.


UNa blukoloro kaj olivaj folioj: la simbolo de MUN BW

Per la realludo Model United Nations (Modelo Unuiĝintaj Nacioj), oni imitas la diplomacian laboron ĉe la Unuiĝintaj Nacioj kaj ĝies subpartoj. Altlernej-anoj kaj universitatanoj el la tuta mondo rolludas delegatojn, kaj presentas la interesojn de ilia lando. La temoj kovras vastan spektron ekde konkretaj aktualaj demandoj pri sekureco (ekz.e la atoma programo de Iranio aŭ la situacio en Ĉeĉenio), kulturaj kaj socialaj demandoj (ekz.e minoritatoj aŭ fuĝintoj) ĝis disvastigo de tekniko aŭ globala varmiĝo.

Oni imitas la strukturon de la Unuiĝintaj Nacioj, sed ankaŭ ĝies regulojn. Libera diskuto malpermesata: La prezidanto antente observas pri ne longigi la tempolimon de paroladoj, pri paroli nur tiam kiam permesatas kaj pri ne inzulti aliajn delegatojn. Ekzemple, oni prefere ne diru ke oni dubas pri la mensa kapablo de iu ŝtat'estro ;-)...
Kaj eĉ la vestaĵoj estu kvazaŭ en internacia diplomacio areno.


"Mi petas montri Jes-voĉojn." - Baloti dum MUN

Malgraŭ la komplikaj temoj kaj la rigidaj reguloj, la afero plenplenas je amuziĝo: La delegatoj klopodas, per ĉiu fantazio, konsentigi la kontraŭantojn. Same, ili celas plej reale kaj tipe reprezenti ilian landon (- ofte eĉ tro tipe), aŭ ili strebas ricevi la premion por la "plej bona amuzisto".
La severa etoso de la digna UN tuj pereas per ridego, kiam ekz.e oni postulas unu silentan minuton pro la internacia aer-gitara konkurso, aŭ kiam unu estimata delegato volas voki la sciencan servon por solvi krucvort-enigmon. Tiu vorto "krucvortenigmo" aperas en vikipedio por la germana Kreuzworträtsel, sed tamen ŝajnas al mi iom stranga. Ĉu al vi?
Kaj eĉ plej lerta parolanto kelkfoje ridigas nin per parola akcidento, se ekzemple la vorto "ŝanĝ-peto" (Änderungsantrag) fariĝas "ŝanĝ-mortatako" (Änderungsanschlag).

Travivi vi povos ĝin en:
> MUN BW (Model United Nations Baden-Württemberg), Stuttgart/Germanio, aprilo 2007
> MUN SH (Model United Nations Schleswig-Holstein), Kiel/Germanio, oktobro 2006
> aliaj MUNoj en la tuta mondo!

Impresoj...

Ĉu vi jam sciis,
...ke la delegacio de Alĝerio opinias, ke la tabloj de la konferenco ne konvenas delegistan dignecon?
...ke unu ano de la Saŭdarabia delegacio opinias samajn rajtojn por cxiuj seksoj esti "stulta"?
...ke Sudkoreio kelkfoje dum la kunsido pauxzas por ludi
Paciencon?
...ke Usono estas la naska lulilo de demokratio, sed pro la svinga movado de lulilo, gxi kelkfoje svingas al maldemokratia direkto?
...ke Turkmenio per komputilo ludas militludojn, dum la kunsidantoj debatas pri redukti armilojn?
...ke en Burkino, dum la pluvotempo, falas "tre tre tre multe" da pluvo?
Tags: politiko
Subscribe

  • pregxejo * church

    Jen la evangelia pregxejo en la malgranda vilagxo de mia familio. This is the protestant church in my family's small village. Apud la pregxejo.…

  • Heide zwischen Osterfrommen...

    (Nur germane hodiaux... sed fakte, nur malgravajxo.) Dass Ostern kommt merke ich immer erst am Fernsehprogramm, den Schaufensterauslagen und an den…

  • trovajxoj: ASCII Art

    -- kelkaj trovajxoj de ASCII art-- Vikipedio pri ASCII ART pri Mona La plej malnova konata ASCII artajxo: "keyboard art", 1948 -- el…

  • Post a new comment

    Error

    default userpic
    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 2 comments